قصيده صعبه جداا للفراعنه

الباحث عن الحقيقة الثلاثاء مايو 06, 2008 8:44 pm

السلام عليكم ورحمة الله وبركاته ...

جايب لكم قصيده صعبه جدا للفراعنة قابلوني اذا فهمتوا شي ....

ولّي خلوجٍ علـى سمـرا فَمِـي تـرزم=كلْ هـمٍّ اقفـى تـردّه جـاي وتْعَزمـه
اوّل زمانـي وانـا همّـي ثـمـان ارزَمّ=واتلى زماني وكلْ رزمـة مِيَـة رزمـة
من شطّ (قزوين) اجاوب شاطي (القلزم)=واطراف ريشي بعوق سْبـوق منْلزمـة
يا ساق لو صيّرك حذف الطغـاة احْـزَمّ=غيرك عرب وانت عودٍ من عَرَضْ حِزمة
وقتٍ تمرسل قفـا علبـاي كـود ابْـزم=وانا متى مـا بزمـت البزمـة البزمـة
فياللي تراني (قزم) عيني تـراك (اقـزم)=ومن آهَلِك من تعـوّض قربـك بْكَزمـة
عن (موميا مصر) بحثي في (حصا زمزم)=وعلم(الجَبِـر) دارسٍ قبلـك خوارزمـه
ما احدٍ عن (الشُبْط) ينشد (كنّة المـرزم)=لا قد تخاون ولا جاء بينهـن لِزمـة
يا سعود من كلّ ذو عـزمٍ نبيـك اعْـزم=واحرص ماكلْ عهدٍ بْه اعْـداك ملتزمـة
وان شفت لك حازمٍ مسّ الحـزام احْـزم=خبلـك لمـا تحتـزم والقـوم محتزمـة
الحرّ يغضب والى شـاف القهـر يجـزم=والعبد ما حسّته قولة:علـى جزمـة
يا سعود من لا نِصَـرْه الله يبـى يهـزم=وصيّور منْتَصْـرِةٍ يـا سعـود منْهزمـة
اعزم والى ما عزمـت ايّـاك تستعـزم=خلْ ردّها في اكبرٍ ما هوب في عِزمة
ما لازم الاّ ويجيك الصبـح منـه الْـزم=ومن آهَلِك من عدوّك شـدّ بـه عَزمـه
كم خشم لولا خشـوم ربوعـه بْيِِخـزم=يأمن وهو يا كثـر نـاس تبـي خزمـه
ما كلّ رجلٍ طعَـم هرجـه حلـو محـزم=وحلو الحكي في الشدايد ما يفـكّ ازمـة
من دون قولة (نِعِـم) سبعيـن مستلـزم=ما استلزم الفعل في( نصبه) وفي (جزمه)

وسلامتكم